၁။ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန တွင် ဒီဂျစ်တယ်အသွင်ကူးပြောင်းရေး လုပ်ငန်းစဉ်များကို အထောက်အကူဖြစ်စေရန်နှင့် AI နည်းပညာ ကို အသုံးပြု၍ ရုံးလုပ်ငန်းများ ဆောင်ရွက်တတ်စေရန် ရည်ရွယ်၍ “ရုံးလုပ်ငန်း အထောက်အကူပြု AI လက်တွေ့အသုံးချမှု သင်တန်း” ကို ၂၀၂၆ ခုနှစ်၊ စက်တင်ဘာလ ၂၈ ရက်နေ့ မှ အောက်တိုဘာလ ၁ ရက်နေ့ အထိ ဖွင့်လှစ် ပို့ချလျက်ရှိပါပြီး သင်တန်းအား မြန်မာနိုင်ငံကွန်ပျူတာအသင်း (မန္တလေး) ဇုန် ဥက္ကဌ ဦးနေဝင်းအောင် က စာတွေ့၊ လက်တွေ့ သင်ကြားပို့ချမည် ဖြစ်ပါသည်။

၂။ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန ရှိ ဒုတိယညွှန်ကြားရေးမှုးချုပ် နှင့်အထက် အဆင့်မြင့်အရာရှိကြီးများ အနေဖြင့် AI နည်းပညာအသုံးပြုမှုနှင့် ပတ်သက်၍ ၂၀၂၆ ခုနှစ်၊ စက်တင်ဘာလ ၂၈ ရက်နေ့မှ အောက်တိုဘာလ ၁ ရက်နေ့ထိ နံနက် (၀၈:၀၀) နာရီ မှ (၀၉:၃၀) နာရီ ထိ နှင့် ညနေ (၁၆:၃၀) နာရီ မှ (၁၈:၀၀) နာရီ ထိ ရုံးအမှတ် (၃) ၊ ခန်းမသစ်၌ နည်းပြ ဆရာများ နှင့် ဆွေးနွေး ဖလှယ်သွားမည်ဖြစ်ပါသည်။

၃။ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန ရှိ လက်ထောက်အတွင်းဝန်များ ၊ ညွှန်ကြားရေးမှူးများ စုစုပေါင်း (၂၅) ဦး နှင့် ဆင့်ပွားနည်းပြ အရာထမ်း (၄) ဦး တို့တက်ရောက်သည့် “ရုံးလုပ်ငန်း အထောက်အကူပြု AI လက်တွေ့အသုံးချမှု သင်တန်း” ကို ၂၀၂၆ ခုနှစ်၊ စက်တင်ဘာလ ၂၈ ရက်နေ့မှ အောက်တိုဘာလ ၁ ရက်နေ့ထိ နံနက် (၁၀:၀၀) နာရီ မှ မွန်းလွဲ (၁၂:၃၀) နာရီ ထိ ရုံးအမှတ် (၃) ရှိ Multimedia ခန်းမ၌ သင်ကြားပို့ချမည် ဖြစ်ပါသည်။

အဖွဲ့အစည်း စီးပွားရေးနှင့်ကူးသန်းရောင်းဝယ်ရေးဝန်ကြီးဌာန
ကဏ္ဍ General