ရန်ကုန်မြို့၊ ဝါးတန်း ကုန်စည်ဒိုင်ရဲ့ ဆန်ချောလက်ကား ဈေးနှုန်းများမှာ ဖျာပုံပေါ်ဆန်းဆန်  ထိပ်စ တစ်အိတ် ကျပ် ၃၆၀ဝ၀၊ လတ်စတစ်အိတ် ကျပ် ၃၃၀ဝ၀၊ မြောင်းမြပုသိမ် ပေါ်ဆန်းဆန်ထိပ်စ တစ်အိတ် ကျပ် ၃၇၅၀ဝ၊ လတ်စ တစ် အိတ် ကျပ် ၃၄၅၀ဝ၊ နယ်စုံ ကျိုက်လတ်ပေါ်ဆန်းဆန် တစ် အိတ် ကျပ် ၃၅၅၀ဝ၊ လတ်စ တစ်အိတ် ကျပ် ၃၃၀ဝ၀၊ ရွှေဘို ပေါ်ဆန်းတစ်အိတ်  ကျပ် ၄၃၀ဝ၀ မှ ကျပ် ၄၆၀ဝ၀ အထိရှိ ပြီး၊ ယခင်တစ်ပတ်ဈေးအတိုင်း အတက်အကျမရှိဘဲ ဈေးငြိမ် နေပါတယ်။ ကုန်စည်ဒိုင်ကို ဆန်အဝင်ပုံမှန်ရှိနေပြီး ယခင် တစ်ပတ်ထက်  အဝယ်နည်းနည်းအေးလာတယ်လို့ ဝါးတန်း ကုန်စည်ဒိုင်မှ သိရှိရပါတယ်။
ဧည့်မထဆန် ထိပ်စတစ်အိတ် ကျပ် ၂၂၅၀ဝ၊ လတ်စ တစ်အိတ် ကျပ် ၂၁၂၀ဝ ရှိပြီး၊ ယခင်တစ်ပတ်ထက် တစ်အိတ် ကို ကျပ် ၅၀ဝခန့် ဈေးကျလာပါတယ်။ နွေသီးထပ် ရှယ်တစ် အိတ် ကျပ် ၁၉၅၀ဝမှ ကျပ် ၂၀၃၀ဝ၊   မနောသုခ တစ်အိတ် ကျပ် ၂၆၀ဝ၀ မှ ကျပ် ၂၇၀ဝ၀၊   အိတ်စ်ပို့ဧည့်မထ ၂၅မှတ် တစ် အိတ် ကျပ် ၁၇၂၀ဝ မှ ကျပ် ၁၇၅၀ဝ နဲ့ ယခင်တစ်ပတ် အတိုင်း ဈေးငြိမ်နေပြီး နွေဆန် ရက်၉၀ကတော့ တစ် အိတ်ကို ကျပ် ၂၀ဝ၀ဝ မှ ကျပ် ၂၂၅၀ဝသို့ မြင့်တက်ခဲ့ရာ ကျပ် ၁၀ဝ၀ ခန့် ဈေးအတက်ရှိပါတယ်။
ရေဘေးသင့်ပြည်သူတွေကို ရန်ကုန်မြို့ကနေ ဆန်လှူ တဲ့ အလှူရှင်တွေအတွက် ဆန်ဈေးအတက်မရှိရအောင် ဝါး တန်းကုန်စည်ဒိုင်မှ နေ့စဉ် ဧည့်မထရှယ် တစ်အိတ်ကို ကျပ် ၂၀၅၀ဝနဲ့ ရောင်းချပေးလျက်ရှိရာ တစ်နေ့ ဆန်အိတ် ၅၀ဝမှ ၈၀ဝကြား   ဝယ်ယူလျက်ရှိပြီး၊ သောကြာ၊ စနေနေ့များတွင် ဝယ်ယူသူ ပိုမိုများပြား ပြီး၊ ဆန်အိတ် ၁၀ဝ၀ခန့်အထိ ရောင်း ချရကြောင်း ဝါးတန်းကုန်စည်ဒိုင်မှ သတင်းရရှိပါတယ်။
ရေဘေးသွားလှူတဲ့      အလှူရှင်တွေအတွက်လည်း အဆင်ပြေအောင် အပြင်မှာလည်း  ဆန်ဈေးမတက်ရအောင် ကုန်စည်ဒိုင်မှ ယခုလို ရောင်းချပေးနေခြင်းဖြစ်တယ်လို့ သိရှိ ရပါတယ်။
မူဆယ်ကုန်စည်ဒိုင်မှာ   သြဂုတ် ၁၉ရက်ဈေးနှုန်းအရ ဧည့်မထမှော်ဘီ တစ် အိတ် ၁၄၃မှ ၁၄၆ယွမ်၊ စူပါတစ်အိတ် ၁၄၆မှ ၁၄၉ယွမ်၊ ဧည့်မထမှော်ဘီ တစ်အိတ် ၁၃၈မှ ၁၄၁ ယွမ်၊ စူပါတစ်အိတ် ၁၄၄မှ ၁၄၅ယွမ်၊ မနောသုခ တစ်အိတ် ၁၃၀မှ ၁၃၄ယွမ်၊ ငစိန်၅မှတ် တစ်အိတ် ၁၄၅မှ ၁၄၇ယွမ်၊ ၁၅မှတ် တစ်အိတ် ၁၄၀မှ ၁၄၃ယွမ်၊ ၂၅မှတ် တစ်အိတ် ၁၃၆မှ ၁၃၈ယွမ်ရှိပြီး၊ ယခင်တစ်ပတ်အတိုင်း ဈေးနှုန်း မပြောင်းလဲကြောင်း သိရှိရပါတယ်။
မူဆယ်ကို   ပြည်တွင်းနယ်စုံမှ ဆန်ဝင်ရောက်မှုမှာ သြဂုတ် ၁၂ရက်မှ ၁၈ရက်အထိ ၄၇၁၄ တန်ရှိပါတယ်။  ဆန် ဝင်ရောက်မှုမှာ ယခင်တစ်ပတ်ထက် ၁၉၇၆ တန် လျော့နည်း ခဲ့ပါတယ်။ တစ်ဖက်နိုင်ငံကို ဆန် စီးဆင်းရတာ အခက်အခဲ ရှိနေတဲ့အတွက် မူဆယ်ဘက်မှာ အရောင်းအဝယ်ပါးလျက်ရှိ နေတယ်လို့ သိရပါတယ်။ သြဂုတ် ၁၉  ရက် ငွေလဲနှုန်းအရ တစ်ယွမ်ကို ၁၇၉ကျပ် ဈေးပေါက်တယ်လို့ သိရှိရပါတယ်။

Agency Ministry of Foreign Affairs
Category General