ရန်ကုန်တိုင်းအတွက်  ပါကင် ပါမစ်ဆိုင်းငံ့ထားခြင်းနှင့်  ဝင်ငွေခွန် ၁၅ ရာခိုင်နှုန်း ထပ်တိုးကောက်ယူမှု တို့ကြောင့်ယခင်နှစ်များထက်အရောင်း အဝယ် ပိုအေးခဲ့သော  ပြည်တွင်းကား ဈေးကွက်မှာ လွန်ခဲ့သည့်  ဇူလိုင် ၂၆ ရက်တွင် ကုန်းလမ်းပို့ဆောင်ရေးဦးစီးဌာန(ရုံးချုပ်) မှ  ထုတ်ပြန်ခဲ့သော
]]ပစ်ကပ်၊ လိုက်ထရပ်ယာဉ်များ ဖျက် သိမ်း အပ်နှံ၍ အစားထိုးတင်သွင်းပါက ကုန်တင်ယာဉ်အုပ်စု  တင်သွင်းခွင့်ပြု ရန်ကိစ္စ}} အပြီးတွင်  အရောင်းအဝယ် ပိုမိုဆိုးရွားသွားခဲ့သည်။
ကညန၏အဆိုပါ ထုတ်ပြန်ချက် အရ  ဆလွန်း၊ ဂျစ်၊ ပစ်ကပ်၊ လိုက်ဗင်၊ စတေရှင်ဝက်ဂွန်၊မိုက်ခရိုဘတ်စ်အုပ် စုဝင်ကားများအတွက်  အစားထိုးတင် သွင်းပါက  ထိုအုပ်စုအတွင်းရှိ  ယာဉ် တစ်မျိုးမျိုးကို  ခွင့်ပြု၍ လိုက်ထရပ်၊ ထရပ်နှင့်  ဘတ်စ်အမျိုးအစားတို့ အတွက် အမျိုးအစားတူ ယာဉ်တစ် မျိုးမျိုးကိုသာ  တင်သွင်းခွင့်ပြုမည်ဟု သိရသည်။  ထိုသို့  ထုတ်ပြန်ရခြင်းမှာ လိုက်ထရပ်  တိုက်ကြေကားများဖြင့် စလစ်ထုတ်ကာ   အိမ်စီးကားများ တင်သွင်းခြင်းကို  ကာကွယ်ရန်အတွက် ရည်ရွယ်လို၍ဖြစ်ဟန်  တူသော်လည်း လက်ရှိအချိန်တွင်  လိုက်ထရပ်ကဲ့သို့ လုပ်ငန်းသုံးယာဉ်များအား   စလစ် မလိုဘဲ  ဖရီးပါမစ်ဖြင့်   တင်သွင်းခွင့်ရှိ သဖြင့်    လုပ်ငန်းသုံးယာဉ် တင်သွင်း သူများအတွက်  မည်သို့မျှ ထူးခြားချက် ရှိမည်မဟုတ်ပေ။  ယင်းကိစ္စနှင့် ပတ် သက်၍ ာသအသမျ.ခသာ.ာ က သီရိ မင်္ဂလာ၊  ရှင်စောပုနှင့် လှိုင်ကားရောင်း ဝယ်ရေးစခန်းရှိ  မော်တော်ယာဉ်တင် သွင်း ရောင်းချသူများအား  မေးမြန်း ကြည့်ခဲ့ရာ  ဖရီးပါမစ်ဖြင့် တင်သွင်း ခွင့်ရနေသော  လုပ်ငန်းသုံးကားများနှင့် ပတ်သက်၍  မည်သူမှ စလစ်အတွက် အလုပ်ရှုပ်ခံမည် မဟုတ်ကြောင်းနှင့် လူစီးကား (အိမ်စီးကား)  တင်သွင်းခွင့် စလစ်တွေ ဈေးမြင့်သွားနိုင်ကြောင်း ပြန်လည်ဖြေကြားခဲ့ကြသည်။
အဆိုပါ ထုတ်ပြန်ချက်နှင့် ပတ် သက်၍  အထင်ကရကားလုပ်ငန်းရှင် ကြီးများကလည်း  တိုက်ကြေလုပ်စားသူ များကို စနစ်တကျ  ရှာဖွေစိစစ်ကာ
ထိုက်သင့်သောအပြစ် ပေးသင့်ကြောင်း၊ ထိုသူများအား အကြောင်းပြုကာ ကား ဈေးကွက်တစ်ခုလုံး ကမောက်ကမ ဖြစ် အောင် မပြုလုပ်သင့်ကြောင်း  ဝေဖန် ခဲ့ကြသည်။  ယင်းထုတ်ပြန်ချက်ကို ကြေညာပြီးနောက်ပိုင်း  ကားဈေးနှုန်း များမှာ  ယခင်ကထက် (ကားအမျိုး အစားကိုလိုက်၍)၁၅ သိန်းမှ သိန်း ၂၀ အထိ ပိုမိုမြင့်တက်သွားခဲ့ပြီး  ယခင် ကထက်  ရောင်းအား ပိုမိုကျဆင်းသွားခဲ့ သည်။
 

Agency Ministry of Foreign Affairs
Category General