စီးပွားရေးနှင့်ကူးသန်းရောင်းဝယ်ရေးဝန်ကြီးဌာနသည် ပို့ကုန်သွင်းကုန်ဥပဒေ ပုဒ်မ-၁၃ ပုဒ်မခွဲ (ခ) အရ အပ်နှင်းထားသော လုပ်ပိုင်ခွင့်ကိုကျင့်သုံး၍ ၂၀၂၀ ပြည့်နှစ်၊ ဇူလိုင်ရ ၈ ရက်နေ့တွင် ဤ အမိန့်ကြော်ငြာစာအမှတ်၊ ၅၀/၂၀၂၀ ကို ထုတ်ပြန်လိုက်သည်။ ဤအမိန့်ကြော်ငြာစာအရ စီးပွား ရေးနှင့်ကူးသန်းရောင်းဝယ်ရေးဝန်ကြီးဌာနက ၂၂-၁၀-၂၀၁၅ ရက်စွဲပါ အမိန့်ကြော်ငြာစာအမှတ်၊ ၉၃/၂၀၁၅ ဖြင့် ထုတ်ပြန်ထားသည့် မြန်မာနိုင်ငံ၏ ပို့ကုန်သွင်းကုန်ဆိုင်ရာ လုပ်ထုံးလုပ်နည်းများ (၂၀၁၅) ပါ အပိုဒ် ၇၄ ကို “သွင်းကုန်လိုင်စင်ရယူတင်သွင်းရမည့် ကုန်စည်များအတွက် အကောက်ခွန်သိုလှောင်ရုံသို့ ထည့်သွင်းလာသည့် ကုန်စည်များမှအပ ကျန်ကုန်စည်များအား ခွင့်ပြုချက် မရမီ ဆိပ်ကမ်းသို့ ကြိုတင်ရောက်ရှိခြင်း မရှိစေရ” ဟု ပြင်ဆင် ထုတ်ပြန်လိုက်သည်။