ပြည်ထောင်လွှတ်တော်သည် ၂၀၂၀ ပြည့်နှစ်၊ ဩဂုတ်လ ၂၆ ရက်နေ့တွင် တိရစ္ဆာန်ကျန်းမာရေးနှင့် မွေးမြူရေးလုပ်ငန်းဖွံ့ဖြိုးတိုးတက်ရေးဥပဒေ (၂၀၂၀) အား ပြဌာန်းခဲ့သည်။

ဤဥပဒေအရ တိရစ္ဆာန်များ၊ တိရစ္ဆာန်ထုတ်ကုန်များ၊ မျိုးရိုးဗီဇပြုပြင်ထားသောဇီဝပစ္စည်းများ၊ တိရစ္ဆာန်အစာ၊ တိရစ္ဆာန်သုံးပစ္စည်း (သို့မဟုတ်) တိရစ္ဆာန်ဆေးဝါးများ တင်သွင်းတင်ပို့ခြင်းနှင့်စပ်လျဉ်း၍ စိုက်ပျိုးရေး၊ မွေးမြူရေးနှင့်ဆည်မြောင်းဝန်ကြီးဌာနအောက်ရှိ မွေးမြူရေးနှင့်ကုသရေးဦးစီးဌာနသည် ထောက်ခံချက်ထုတ်ပေးရန် အခွင့်အာဏာရှိသည့် ဦးစီးဌာနဖြစ်ပါသည်။